இருதரப்பு ஒத்துழைப்பு மற்றும் போதைப்பொருள் ஒழிப்பு முயற்சிகள் குறித்த இலங்கை-பாகிஸ்தான் பேச்சுவார்த்தை

2026.02.17 அன்று, பாகிஸ்தான் உள்துறை அமைச்சர் கௌரவ சையத் மோசின் ராசா நக்வி, கூட்டாட்சி அமைச்சர் கௌரவ சவுத்ரி சாலிக் ஹுசைன் மற்றும் இலங்கைக்கான பாகிஸ்தான் உயர்ஸ்தானிகர் ஜெனரல் ஃபஹீம் உல் அஸீஸ் உள்ளிட்ட பாகிஸ்தானின் உயர்மட்டத் தூதுக்குழுவினர், பொதுப் பாதுகாப்பு மற்றும் பாராளுமன்ற விவகாரங்கள் அமைச்சர் கௌரவ ஆனந்த விஜேபாலவைச் சந்தித்தனர்.

இரு நாடுகளுக்கும் இடையே நீண்டகாலமாக நிலவி வரும் நட்பு மற்றும் ஒத்துழைப்பை வலுப்படுத்துவது குறித்து இருதரப்பு பேச்சுவார்த்தைகள் நடத்தப்பட்டன. போதைப்பொருள் கடத்தலைத் தடுப்பதற்கான பிராந்திய ஒத்துழைப்பை மேம்படுத்துவது குறித்து அவர்கள் மேலும் கலந்துரையாடியதுடன், சர்வதேச போதைப்பொருள் நெட்வொர்க்குகளுக்கு எதிராக கூட்டு நடவடிக்கையின் அவசியத்தை வலியுறுத்தினர். இலங்கையின் தற்போதைய போதைப்பொருள் ஒழிப்பு நடவடிக்கைகளை பாகிஸ்தான் பாராட்டியது.